陳敏之調理身體等生仔
藝人郭晉安和陳敏之昨日為新劇進行拍攝工作，對於現在熱播的劇集《法網狙擊》，有眼利網民留意到敏之做女警的證件寫上「只作道具之用」，不過這是因為要以茲識別真假，而一定要加上，並非無綫再次「是是旦旦」。另外賈曉晨（JJ）亦在前晚《法》劇內爆粗。
談到在新劇中飾演未婚媽媽，敏之大讚跟她有對手戲的小演員十分聰明：「佢好似大人咁，好得意。（生番個？）我第時一定會生，等我調理好身體先，同埋我依家好enjoy拍拖。」對於早前接獲多宗投訴不滿視帝視后賽果，而好友馬國明在頒視帝時的愕然樣更在網上瘋傳，敏之即表示馬國明可愛：「我唔surprise，因為我買楊怡贏，而視帝我就出於友情投咗畀馬明，所以呢啲好主觀。」而郭晉安亦大讚黎耀祥當選視帝是實至名歸：「如果計fans多不如整個fans多大獎。（林峯、子珊無獎罷拍劇？）咁睇吓點樣搞番順佢，叫公司開多十場演唱會賺吓錢先啦，不過我覺得林峯應該拍多啲劇，歌、影、視三棲好難兼顧。」