謝安琪唔知軒仔過檔
謝安琪（Kay）、關楚耀（Kelvin）及黃貫中（Paul）等人昨日出席電影開鏡，對於張敬軒離開環球唱片，Kay表示不知情，但下月出騷時會問下佢。由於她當年與環球鬧得不愉快而提前解約，問到軒仔的決定是否明智？Kay說：「冇咁諗。（傳軒仔不滿公司將資源落晒林德信身上？）唔清楚。（你當年係咪冇乜資源？）唔記得，不過合作時係有好成績。」
同屬環球的Kelvin表示從母親口中得知軒仔過檔，問到會否致電對方探口風？Kelvin說：「點解？」由於當年軒仔曾為他在日本涉嫌藏毒案寫求情信，即被取笑冇良心，Kelvin無奈說：「之前有短訊佢，佢1,500萬都唔留低，前途應該好好。」
而Paul透露太太朱茵做運動修身，對於2個月大的囡囡仍未被傳媒拍到，Paul說：「都會定期帶佢去檢查，畢竟佢只得2個月大，唔想帶佢周圍去。」