卿卿13歲大女 遺傳靚身段
葉玉卿回港完成拍攝電影後，已返回美國並舉家到了夏威夷度假。卿卿與大女胡芷欣穿起三點式泳衣享受日光浴，不難發現芷欣遺傳了母親的優良遺傳，有着完美身段，與卿卿猶如兩姊妹一樣。
一代性感女神葉玉卿完成在港拍攝賀歲片的戲份後，便返回紐約與家人享天倫。為了慶祝幼子Jefferson十歲生日，卿卿一家五口到了夏威夷度假，於沙灘上穿起三點式的卿卿身材依然fit爆。令人最驚訝的，是13歲大女芷欣除了遺傳母親的美人胚子外，連身材亦承受了母親的優良傳統，猶如兩姊妹一樣！卿卿說：「個女同我一樣好鍾意Shopping，佢依家仲會幫我揀泳衣，知道咩款式啱我着。」她笑言女兒正值發育時期，喜歡吃東西，與她一樣吃不停。而一家人為幼子切蛋糕唱生日歌，卿卿表示向Jefferson送上電腦作生日禮物。
整整齊齊最重要
對於母親的喪禮，葉玉卿透露只會獨個兒返港，她說：「個女知道我會再返香港，已經喊晒話要跟我返，但我覺得喪禮係做畀生人睇，唔係畀死人睇，後人有心已經足夠。加上丈夫工作很忙，如果成家返港，會好大陣仗，影響到家人就唔方便。」
卿卿表示在美國，亦有人討論世界末日，她說：「如果真係有，今次我哋一家可以攬住一齊死，總好過各自各分開死。平時我都有同小朋友灌輸，每個人嘅終點都係一樣，只要一家人整整齊齊就好了。我同佢講，做事唔好咁執着，叫佢哋唔好嗌交，但佢哋聽完兩分鐘又嗌過。」她又藉今次「世界末日」，教導孩子是一個警告，若果不做好環保地球便會死。
文：影視組