筱靖撐老細贊成炒人
筱靖與顏子菲兩位亞視乖學生，對於亞視怒炒「逃學威龍」藝人，平日上堂出席率勁高的筱靖，大讚亞視教學內容有料到，她說：「我覺得呢幾日上堂教嘅形象同公關手法，對藝人有幫助，可以學到嘢。（點睇亞視炒人魷魚？）應該！有賞有罰。（要藝人加簽硬食條款？）我唔使加簽，我合約根本就有，其實老闆叫到就應該學，應該跟從。」
另一前亞姐顏子菲則說：「起初上堂講亞姐歷史，作為亞姐知多樣嘢冇問題，但未必有實際幫助。（點睇炒魷做法？）我戥同事慘，太突然，估唔到世界末日真係有事發生，亞視不嬲有人情味，今次殘忍咗，應該畀多次機會！」