劉錫賢授課計騷錢學生得六丁
亞視資深藝人劉錫賢及朱慧珊為訓練班擔任導師，但二人尚未知悉亞視向「逃學威龍」藝人突然開刀，劉錫賢說：「我唔知道公司炒人，亦冇聽聞要求藝人加簽條款，等我了解吓先。我上月中開始上堂，主要向『星光幫』、亞姐、亞生教授演出同主持技巧，本來話教三個月，每個禮拜一堂，到依家為止上咗四堂，學生最多十幾人，對上一堂得六個，公司一早講咗撞工作嘅話，學生會缺席。因為我本身都有其他嘢做，1月頭至再上堂。（做導師有酬勞？）計show錢，聽聞仲會加朱慧珊、陳啟泰、姜皓文、陳嘉輝做導師，我話多啲人教最好！」
至於朱慧珊已應承亞視出任導師，她說：「但我依家放緊假，未開始上堂，不過唔好話教，我同大家分享吓經驗啦。（知唔知已有學生被炒魷？）唔知喎，我仲放緊假！」
