吳千語搵錢大過天 聖誕擺一邊
不少人都期待於聖誕節收到禮物，電影新人吳千語（Karena）也不例外，自言是禮物狂的她自爆兒時經常未到boxing day便偷偷把聖誕樹下的禮物拆掉，非常百厭。
喜歡熱鬧的吳千語最愛過聖誕節，除收到不少聖誕禮物外，她笑言最愛布置家居，每年都會花上一整天時間為屋企扮靚，家中更有棵巨型聖誕樹，她說︰「我好鍾意聖誕樹，因為好有節日氣氛，每年都會諗點去布置，仲試過為咗買裝飾行咗兩日街。」
內地拍電視劇
Karena更自爆兒時經常偷拆放在聖誕樹下的禮物，她笑說︰「係小朋友都鍾意收聖誕禮物，我以前好期待收到啲咩禮物，所以趁屋企人瞓晒覺，就會偷偷地去拆禮物，不過最後都係畀屋企人發現。」
至於今年聖誕節，Karena未能於香港與朋友玩番夠本，因要留在內地拍攝電視劇。對於要在工作中度過聖誕，她坦言起初感到有點不慣︰「起初知道聖誕返唔到嚟同朋友過，係有少少失落，因為忙做嘢同朋友已經唔係成日見。」
提早開P慶祝
話雖如此，但正值搏殺期的Karena笑言搵錢比其他更加重要，故她早前已化身派對召集人，與朋友提早慶祝，更收到大堆朋友的聖誕禮物，她說︰「好多朋友都怕我喺嗰邊會凍親，所以送咗好多保暖用品畀我，搞到我塞爆行李。」
文︰專案組
攝︰劉智源
服裝︰bread n butter
場地︰Zip Cafe