陳詩雅愛花瓶 潘瀟瀟恨出碟
同屬STYLE模特兒公司的陳詩雅（Sarah）同潘瀟瀟（Panny），二人熱愛模特兒工作，但各自有理想，Sarah說：「想有唔同機會突破自己，但呢行唔到自己控制，我唔介意去爭取，但我唔會靠性感、造新聞或緋聞上位，只想用正途方法同努力去建立自己事業。」之前她首次拍微電影大感緊張又好玩，早前並跟張達明學戲，問她是否怕做花瓶？她說：「佢教我明白到演員係啲乜，其實花瓶係讚美說話，如果有美貌，又有實力，何妨做花瓶？」
而Panny現階段希望多拍一些宣傳短片：「做小主持唔容易，可以在短時間內訓練自己口才同演技，覺得好有挑戰性。」她又表示會找歌唱老師學唱歌：「由細到大對唱歌都有興趣，希望有日可以出碟。」
至於聖誕如何度過？Panny說：「都會約最好朋友一齊食飯，不過最重要係有媽咪喺我身邊就開心！」Sarah則說：「本來想去北海道滑雪，但book唔到機票，依家同屋企人BBQ！」