無綫娛樂新聞台主播周奕瑋（Jarvis）早前偕同「大師姐」黎芷珊，為剛過去的「亞太影展」擔任紅地氈司儀，令阿Jar大感壓力：「芷珊姐姐係我求學時期嘅偶像，佢又係近期嘅紅人，反應慢少少都驚跟唔上佢。佢嗰晚艷光四射，我忍痛花咗二千蚊，買咗條陶瓷bow呔嚟襯番佢。」
影展舉行時，芷珊仍未於無綫頒獎禮奪獎，不過當碰上曾志偉、狄龍、惠英紅等寒暄及做訪問時，處處表現出大將之風，令阿Jar看在眼裏印象深刻，更視之為發憤目標：「不過我驚做極都冇佢一半嘅成績。（芷珊得獎點同佢慶祝？）當晚佢返入後台，我哋一班主播都已經攬實佢影相，依家打算遲啲再約佢打邊爐玩番晚！」
