杏兒口響開錶展
胡杏兒自去年成為視后後廣告不斷，早前抽空為手錶代言拍攝廣告，透露已連續四年任代言人，廣告商每年加薪幅度高之餘，還無限量手錶供應，令其家中的收藏可足夠開錶展。而杏兒指聖誕不在港，將會於大陸拍劇工作度聖誕。
胡杏兒去年躍升視后後身價暴升，除了到內地拍劇密密搵之外，廣告亦接到手軟，難怪可讓她輕輕鬆鬆買豪宅，早前她更與手錶品牌Temporis續約，並以全新形象拍攝廣告，拍攝當日，杏兒只花了6粒鐘，便火速轉了十多個造型，再配上數十隻手錶，以超快速度完成，令專程到來探班的老闆娘亦大讚伊人專業。
對於連任四年代言人，杏兒笑不攏嘴謂：「合約每年renew，老闆娘仲要好錫我，一直支持我，冇限量送錶，真係多到可以開錶展，最重要係無論嗰期我紅唔紅，佢哋都對我好好，好似幾年前我都未係視后，就已經搵我拍，做咗之後加價都堅持用番我。（有冇加一倍？）都有o架！不過拍嗰日因為錶要戴手，所以要諗好多甫士去present，仲要係不經意，表現自信美，都唔係咁容易。」
聖誕開工
剛完成《衝上雲霄Ⅱ》的杏兒之後便會到大陸拍攝新劇，杏兒坦言聖誕相信要於工作中度過，說到之前台慶頒獎禮，雖然曾經奪視后獎項，但杏兒坦言都有為自己拉票，不過她坦言：「依家結果都有咗，無論邊個攞都好，大家都係好姊妹、好同事，邊個贏我都開心。（冇鬥心？）咁樣壓力冇咁大，最緊要係友誼第一比賽第二，一齊加油啦！」
文：影視組
攝影：司徒國榮
化妝：Cyrus Lee@Beauty Tech
髮型：Heibie Mok@Hair Culture