周秀娜聖誕有煮意饗家人
周秀娜（Chrissie）昨日以代言人身份，於旺角行人專用區出席「領域電訊X周秀娜「等緊你」」發布會，她表示簽了兩年約，酬勞滿意。由頭遮到落腳只露兩條手臂的Chrissie被問到為何如此密實，笑言：「翻風呀，咪咪縮，佢都要有末日福利，畀佢抖下，末日後就會重生同大家見面。（驚人多危險？）唔會，呢度嘅保安人員多過我啲朋友，好安全。」
問到「末日」怎樣過？她說：「其實我自己唔係好信，所以無特別諗點過，反而有諗聖誕點過。我今朝（昨日）就忙住揀聖誕禮物畀屋企人，揀咗好多手機同相機。（送咩畀男友？）佢好有孝心，諗住入侵我屋企嘅領域，所以要佢埋咗單先，我會送個折畀佢。（聖誕點慶祝？）我諗住煮聖誕大餐畀屋企人食，係第一次，雖然我煮嘢唔係好叻，已經睇定啲食譜。（想收咩聖誕禮物？）無喎。」