梁政珏跳彈床D級震盪
擁有34D驕人上圍的「無綫咪神」梁政珏向來愛出「峰」頭，繼早前在《東華》化身性感女助手後，昨日出席聖誕活動時繼續大方派奶，以瑜伽裝表演Deep V跳彈床，3D蕩奶教人目不暇給。
「無綫咪神」梁政珏與王宝宝（春卷）、徐靖雯昨日到「大埔超級城」出席宣傳活動，獲邀與匈牙利彈床隊一起表演。
雖然眾女只輕嘗跳彈床的感覺，但梁政珏憑一件低胸衫突圍而出，3吋事業線盡現眼前，加上不停彈上彈落，3D立體感十足。
隨緣尋覓泡菜仔
政珏事後表示穿的是瑜伽裝，指是健康性感，十分安全，她說：「我喺屋企已經做足測試兼安全措施，所以唔擔心會走光。」當問到可怕因跳得多而影響身材，她便謂：「唔會啦！啲衫有Support。」她透露聖誕會與家人到韓國旅行，現時單身的她唔排除會找泡菜仔，「緣分要嚟便嚟，唔需要點擔心，依家無諗感情嘅嘢，會先專心工作。」
春卷低調過聖誕
同場的春卷在表演時被教練將她整個翻轉，問到可有因身體接觸而尷尬，她說：「教練幫我啫，玩呢啲運動佢唔扶我就驚啦！」春卷指男友李思捷近日忙於拍劇，相信未能一起過聖誕，又指兩人同樣愛低調，即使節日亦不會刻意慶祝：「我生日都唔會點搞，喺屋企睇套戲就算啦，（鍾意驚喜？）我最憎即興。」
文：影視組