曾志偉捲入掌摑事件後，有傳黃浩提供的證人大部分「睇唔到」，黃國桐律師指證人多寡其實不重要：「最重要其實係個證人口供要實在，有時一個口供實在、話『睇到』嘅證人，好過廿個話『好似睇到』嘅證人。當然，證人嘅可信性都好緊要，例如有冇利益衝突咁。」就算未有目擊證人，亦不表示不能定罪，黃律師說：「始終我哋會考慮受害人唔會空穴來風，因為報假案係犯法，例如非禮、強姦等案件，好多時冇目擊證人都可以定案，最重要係各人嘅口供。」