張衞健開雞店招呼老友
張衞健昨日到電台宣傳新歌，談到老友志偉涉掌摑黃浩而被捕，健仔好大反應說：「吓！志偉認咩？」記者轉述事件後，他即淡定說：「第二個遇到就話擔心啫，佢遇到我就唔擔心，佢有足夠IQ、EQ去應付，咩大風大浪未見過，對佢有信心，佢冇事嘅！（會唔會打電話去慰問佢或者寸佢？）我會打畀佢，講我開咗間新嘅花雕雞，有VIP房，問佢嚟唔嚟！」
此外，談到相隔十年再推出廣東歌《流氓伉儷》，健仔說是送畀太太張茜的情歌，感激在他破產邊緣齊對他不離不棄。他又透露十年前與舊唱片公司談續約時被高層大聲喝問：「你話到畀我聽咩人會嚟買你碟、聽你唱歌嘅咪續約囉！」令他感受傷害。