Gara G.蜜蜜咀 預演擺酒
混血女模Cara G.與拍拖七年半、同是模特兒的男友Jesper定於明年三月在泰國舉行婚禮，前日二人在金鐘註冊，並於晚上邀請好友一同見證。揚言三十歲前要當媽媽的Cara，笑指婚後會積極造人，跟近日宣布造人成功的Lisa S.睇齊！
Cara G.宣布與拍拖七年半的男友Jesper拉埋天窗，兩人定於明年三月三十日在泰國舉行熱辣辣婚禮。前日二人率先於金鐘註冊，晚上再邀約二十多位好友一同吃飯慶祝，她更在派對前於facebook上載了一張自拍相，着上性感的晚裝裙的她，問朋友是否已準備好參加她的派對。Cara表示自己十分眼淺，註冊時已感動得落淚，她笑說：「我好失敗，註冊已經忍唔住喊，反而男友就好鎮定，我好嬲佢唔喊囉！」Jesper表示註冊後已感覺二人踏入人生另一個階段，他說：「我覺得自己同Cara一同成長咗！」席間二人又攬又咀，羨煞旁人！
卅歲前做媽咪
Cara謂現時忙於為明年的婚禮作準備，她說：「我哋婚禮會喺泰國華欣舉行，雖然唔係邀請好多嘉賓，但我哋都好畀心機籌備，最近就忙於親手製造邀請帖，就連婚紗同晚裝裙都係我親自設計，所以真係好忙！」問Cara可有生育大計？她即說：「希望呀，我想三十歲前可以做媽咪，所以都要努力，（知唔知Lisa S.造人成功？）知道呀，好羨慕佢同埋好替佢開心！」
Rosemary試婚
而跟Cara同公司的Rosemary亦有到賀，她表示看到對方覓到真愛十分感動，問她可有羨慕？她笑說：「我依家都好開心呀，我同男朋友拍拖三年，今年四月開始同居生活，（試婚？）都係嘅，我哋太愛對方，大家想有更多溝通！」她又謂男友家族從事童裝生意，故男友十分喜歡小朋友，認為男友將來定會是個好爸爸！
文：名人組