軒仔加盟英皇唔講金
張敬軒決定離開環球唱片後，將轉投英皇懷抱，跟同性密友關智斌（Kenny）閉門一家親。據知環球曾以1,500萬港元挽留，比英皇的出手更高，惟軒仔志在開拓內地市場，而高層霍汶希（Mani）正可助他打天下，最終他放棄巨額「獎金」，寧放長線博取更佳發展機會。
本報獨家披露軒仔不續約環球後，即成為「搶手貨」，吸引逾3間唱片公司重金利誘。有傳環球「肥水不流別人田」，願出1,500萬港元續約費，不過軒仔覺得加盟已成功在內地扎根的英皇更有利，故就算英皇的過千萬加盟價，不及環球豐厚，他仍選擇英皇。有指英皇有意於明年春茗宴公開喜訊，做到群星拱照張敬軒。
與古巨基唔同部門
據軒仔身邊好友爆料：「容祖兒同Kenny梗係有落嘴頭叫軒仔加盟，不過佢肯落疊，全因為好朋友Mani，Mani年幾前兼任發展內地市場，人脈好廣，如果Mani可以名正言順幫軒仔，軒仔一定可以如願，打開佢10年嚟夢寐以求嘅內地樂壇。」
有消息指，軒仔尚欠環球20多首歌約，英皇為令軒仔可盡快回復自由身，順利於明年3月正式加盟，除肯多付200萬「贖身費」外，更承諾為他推出國語碟，助他早日在內地做到天王級。有謂英皇本有古巨基助陣，軒仔再加盟，便形成「一山不能藏二虎」的隱憂，不過知情者稱，英皇已作出妥善安排，軒仔歸於祖兒所屬的EEG旗下，與Music Plus「一哥」古巨基屬不同部門。
另外，有傳環球知道軒仔將「蟬過別枝」，但仍然為他在各頒獎禮上，作「適量」地爭取獎項，在本月27日舉行的「新城勁爆頒獎禮」上，軒仔將橫掃3大獎項，當中包括有「新城勁爆男歌手」獎，對軒仔算有情有義。而軒仔在截稿前仍未聯絡得上。
文：音樂組