糖兄妹昨日到數碼港出席聖誕活動，一名小女孩飛撲攬實糖妹，氹得糖妹笑到見牙唔見眼！她笑言︰「第一次遇到咁熱情嘅fans！（如果係男fans點算？）唔會有呢個機會，糖兄會擋住佢！」豈料糖兄竟說：「我會影張相先再拉開佢！」
糖妹自言少時間陪家人，不敢自誇是個好家姐︰「中學嗰時試過抱起仲係BB嘅細佬，點知一摵起佢隻手搞到佢甩骹！」糖兄則稱近年才喜歡小朋友:「以前教結他時見到啲細路好唔聽話，都唔知生仔點算，反而依家冇教就鍾意喇！（鍾意仔定女？）女仔，因為乾淨啲！」他稱現正處於搏殺期，暫未有造人大計。
