祖兒橫掃三奬 師兄速閃

英皇歌手前晚橫掃19個獎項，當中祖兒獲頒「本地女歌手」、「人氣國語歌曲」及「十年人氣大獎」。而男友劉浩龍（師兄）憑《難命鴛鴦》首度贏得「十大人氣歌曲」，不過，兩人刻意前後腳到場，師兄在頒獎禮初段便上台攞獎，訪問完後便「速逃」離開。

至於祖兒穿上黑色通花透視裙，性感誘人。問到祖兒姍姍來遲是否為避開師兄？祖兒笑言：「我到咗好耐啦！（後台有冇見到師兄？）冇喎！（嚟緊頒獎禮都會碰面，應該要習慣吓？）你哋應該習慣吓，嚟緊我唔會點答就真。」對於性感造型，祖兒笑謂是想用來轉移大家視線。

阿Sa雖然帶病亮相，但仍與阿嬌共奪五個獎項。

基仔透露「末日」當日會同最親密的人過。

基仔「末日」做冬

而師兄稱出席次序都是公司安排，稱已四年未參與過頒獎禮，笑言要開始「練坐」。講到可擔心頒獎禮會擺與祖兒的戀情上台？師兄謂：「順其自然啦。」至於21號「世界末日」和誰人度過？師兄稱當日出席電影開鏡，即晚便飛到北京和側田做騷，會攬住側田一齊過。

古巨基奪得「本地男歌手」、「十大人氣歌曲」及「十年人氣大獎」。至於「末日」當天基仔稱：「要做冬呀！（同最親密嘅人？）梗係啦仲使講！（得力助手Lorraine都有份？）唔知喎，個個都返自己屋企食飯！」即是一餐過？基仔不禁笑答：「你好嘢！」

而Twins兩人共奪五個獎項，鍾欣桐（阿嬌）以透視裝騷玉背，相反蔡卓妍（阿Sa）因不舒服穿上樽領裙包到冚。問到阿Sa可怕交叉感染男友陳偉霆？她笑言：「佢咁大隻唔怕。」另外，正忙於籌備舞台劇《咔啦騷》的杜汶澤則憑電影贏得「最佳喜劇演員」，與彭浩翔結伴出場。

文：音樂組