楊怡攞視后 子珊冇份攬

子珊與楊怡被視為本屆大熱視后後，一直被傳「有你冇我」。事實上，前晚楊怡封后一刻，子珊未有像其他同事般站起來祝賀對方，楊怡亦先後與胡杏兒及鍾嘉欣等擁抱，與子珊形同陌路。頒獎禮後，兩女先後離開將軍澳電視城，同樣獲得大批粉絲在門外等候，並送上香檳及禮物等。子珊失落視后卻贏得「我最喜愛的電視女角色」，令她頓變喊包，台上坦言想不到自己由「不受歡迎」變成如今獲得大家肯定。

楊怡旅行唔預謙仔

對於外傳她與楊怡交惡，子珊澄清：「唔係冇交流，佢都有遞個暖包畀我，一直都係外界敏感咗啫。（楊怡封后被狂插。）大家唔使太激動，點樣嘅賽果都會有人質疑嘅。」她坦言已盡力，所以已無愧於心。

楊怡得知獲獎時即與杏兒擁抱，子珊在旁拍手。

贏得「我最喜愛的電視女角色」的子珊，開心地與粉絲揮手。

出爐視后楊怡獲來自法國及新加坡等地的粉絲到場支持，昨凌晨她離開時與他們一一合照，且承諾會繼續努力，之後便乘車返家休息。昨午她與謝天華等現身葵芳宣傳新劇，她透露已平復心情：「因為今日（昨日）要做嘢，所以冇餘興節目。（點樣慶祝？）遲啲又要開劇，好想同媽咪去吓旅行，我得獎佢喊，今朝仲攬住我。（冇預羅仲謙份？）咁快？（佢喊呀。）有沙入眼啫。（做乜唔公開戀情？）兩回事喎，唔需要。（唔喺台上多謝佢？）我大把人排住隊要多謝，佢知o架嘞，一步一步嚟啦！」她透露事後有與謙仔通電話，稍後相信會約食飯，但不願多談感情事。提到外傳她與無綫加簽合約換獎，她解釋：「我張約都未完，如果要加就加人工先啦！」

雖然失落視后，但子珊離開電視城時仍開心拿着招牌「８字波」影相。	楊怡（左）與子珊在台下有傾有講。	謝天華送上「Mr. Law」簽名支票，令楊怡哭笑不得。
謝天華跪地送花給楊怡，催她快些結婚。

謝天華擺戀情上枱

謝天華昨日與其他演員一齊賀楊怡獲獎，他更跪地送玫瑰給楊怡：「你嫁畀佢啦！」嚇得楊怡反問：「邊個？」天華抵死答：「妳嘅Mr. Right囉！佢份人好『謙』虛嘅。」玩遊戲時，天華送上無寫銀碼的支票給楊怡，然後又簽名寫上「Mr. Law」，將對方戀聞擺上枱，令楊怡哭笑不得。

文：影視組