Chilam宗師過招突襲張震
【馮雪怡澳門直擊】張震、張智霖（Chilam）、林嘉欣、鄭伊健、吳尊等，前晚一同出席假澳門金沙城中心舉辦的「星光之夜」。當中有份演出《一代宗師》的張震和張智霖，二人表示該片正進入後期製作階段，在旁的Chilam說：「慢工出細貨，好合理，相信啲鏡頭好經典！（幾時上？）冇人知，應該就快。」他大讚張震打功夫打到有獎拎，還笑言：「我想襲擊佢，試吓佢反應！」還叫張震教他打功夫，張震即謙虛回應：「可以，身體健康啲，當做運動。」
伊健遭催婚
再度有喜的林嘉欣肚凸凸現身，好友鄭伊健自爆已申請做肚裏ＢＢ的契爺：「等過嘉欣老公嗰關，我做過兒童節目主持人，有好多小朋友粉絲，林珊珊兩個女我都有份教。」嘉欣表示預產期為明年五至六月：「未知ＢＢ性別，老公唔想知住，留番等個天安排，想有驚喜。」搞笑的嘉欣突然反問屢傳婚訊的伊健：「依家興大肚先結婚喎？」伊健尷尬回答：「你跣我啫！我未有呢個打算。」
台灣偶像吳尊表示在香港取景的新戲《金田一少年事件簿》將於下月在亞洲多個地方公映。問到聖誕會如何度過？他說：「未知，希望有假放，喺屋企同家人和朋友一齊過。」
文：名人組