嘉玲志偉讚賽果合理

【唐豁莊澳門直擊】第55屆亞太影展圓滿落幕，由83歲菲律賓演員Eddie Garcia及桂綸鎂榮登帝后，梁家輝、劉青雲失落影帝一獎，擔任評審的劉嘉玲認為賽果合理，並表示覺得台灣演員桂綸鎂佔盡天時地利人和，行運行到落腳趾尾。嘉玲說：「雖然我都好欣賞家輝、青雲，但大家真係要睇吓Eddie嘅演出，我嘅評審差唔多決定一致。（桂綸鎂呢？）佢係個好突出嘅演員，今次佔盡天時地利。」聖誕節將至，嘉玲稱已準備狂歡，惟老公梁朝偉剛完成電影拍攝，故不打算離港滑雪，讓他休息。