基仔發圍：獨男就有我份

「叱咤我最喜愛的男歌手」基仔最後五強不入，前晚他在演藝學院舉行音樂會，主辦單位又是商台，由DJ森美任司儀，其中一個環節由森美及基仔揭曉早前由網民投票選出的五大「獨男」及「剩女」特徵，而第五個獨男特徵居然是「基仔」！基仔趁機一吐心中鬱結：「呢個獨男五大特徵就預我，但另外一個五強（叱咤）就冇我份！」

大膽寸爆電台，當然引來全場粉絲起哄，粉絲明顯對基仔未能入最後五強抱有不平，而司儀森美立刻附和踩自己公司：「五強呢啲虛名嚟嘅啫，唔代表事實嘅真相。」疑似暗諷其電台頒獎禮的公信力不足，之後兩人大數「剩女」特徵時，森美更斗膽取笑上司：「咪就好似陳志雲咁囉！」似乎完全無懼倒公司米。

森美出手，基仔即時保護「小基基」。

基仔寸爆電台。

突然爆gag

問到基仔在台上揶揄自己在電台頒獎禮五強不入，是否依然介懷？他說：「其實係之前開會傾rundown時搞嘅gag嚟嘅，大家都覺得好笑，不過唔肯定會講，但最後都爆出嚟，森美都應對得好快。」

基仔落選五強，近日有網民在網上大表不滿，而有份入選五強的羅力威和周柏豪自然成為攻擊對象，昨日兩人一同出席頒獎禮拉票活動，提到被網民插爆，羅力威說：「其實呢件事唔係好嚴重，當係noise囉，但歌手唔係為比較同獎項而唱歌。」

文：音樂組