陳庭欣拋胸 壓散天華
謝天華在新劇中獲無綫厚待，得與「宅男女神」苟芸慧車震，又被港姐冠軍陳庭欣胸壓，更與當家花旦楊怡連場激咀，艷福無邊，無綫加重口味谷收視，既益天華又益觀眾。但天華卻嫌辛苦，特別給陳庭欣胸壓一幕，動彈不得，拍完整個人「散晒」。
無綫新劇《法網狙擊》明晚開播，男主角謝天華頭三集已經嘗盡與「宅男女神」苟芸慧車震、被陳庭欣勁拋胸力壓，以及與花旦楊怡連環激咀，男觀眾覺得天華寓工作於娛樂，但天華卻說：「我跟劇本做咋，面對三個靚女，我都好有定力，一如我個角色，苟芸慧係華姐、陳庭欣係港姐、楊怡更加係當家花旦，各有所長，我拍呢幾場戲都好辛苦，你知車廂有幾大，被陳庭欣壓住，唔郁得，拍完成個人散晒，出晒汗。（陳庭欣拋晒胸，老婆有冇監場？）我老婆不嬲唔做呢啲嘢，個劇出街佢就一定會睇！」
勸苟芸慧看輕緋聞
提到之前苟芸慧因「車震」戲，備受輿論及心理壓力而聲淚俱下，天華說：「我都有同佢傾過，其實拍戲一定要認真，但衍生出嚟嘅緋聞就唔使咁認真，呢件事對佢都好，等佢日後識應變，可能佢拍戲冇耐，應付唔到至會咁。」
苟姑娘之前因為被雜誌以她這場「車震」戲大做文章，結果遭父母問罪，令她在傳媒面前不勝壓力而聲淚俱下。苟芸慧昨日在電話表示：「其實依家每日忙拍劇，都冇時間諗太多，經過上次件事，依家會學識點樣處理，每件事情發生，都會學識一啲嘢嘅！」
文：影視組