小齊驚訝子丹 琴技最強
【衛紫敏台北直擊】台灣歌手任賢齊昨晚首度在台北小巨蛋舉行演唱會，其好友在微博開盤打賭小齊會否在騷上感觸落淚，小齊聞言大叫：「死啦！點算呀？」他笑言不想因抽泣而影響演出，故心情相當複雜：「如果大家想贏，我勸你哋買我唔喊，不過咁多好朋友嚟支持我，我都唔敢包會唔會累大家輸。」
「宇宙最強」甄子丹擔任小齊個唱嘉賓，小齊坦言是透過任達華太太琦琦介紹而認識對方：「嗰次喺小朋友嘅家庭聚會上見識到丹哥嘅琴技，我都嚇一跳，嗰時已諗到有機會做演唱會一定搵佢做嘉賓，估唔到丹哥爽快答應。」小齊更會試穿高踭鞋，但一定不會着裙或剃掉腳毛。