葉玉卿怕惹是非 拒再拍戲

卿卿昨日現身機場時透露返美國後先與子女去夏威夷旅行，問到亡母身後事時，她說：「搞緊，會夾番好日子。（喪禮幾時舉行？）唔講住，會係一月前，都要等埋其他喺外國嘅哥哥姐姐返嚟。（是否已知母親即將離世才會選擇在這段時間返港？）我有咁嘅感覺，好似命中安排咁。」

時間可證明一切

之前有傳曾志偉力邀卿卿拍劇，她表示：「唔係邀請，係佢有咁嘅idea，不過二十至三十集時間太長，我諗未必做得到，因為放唔低啲小朋友。」她亦坦言暫時沒有再拍戲的想法，不過會回港出席賀歲片的首映禮，屆時將逗留一星期。

卿卿坦言今次返港拍戲惹是非，覺得自己太衝動：「其實唔應該反應咁大，應該算，清者自清。（老公安慰你？）好似我安慰佢多啲。」問到回美國後即處理私人飛機的法律問題時，她謂：「所有數字、所有嗰啲問題，呢刻都唔想再講，It's fine！我有錢定冇錢，咩問題都唔緊要，總之我做自己嘢，見到媽咪，返嚟過戲癮好開心，其他嘢時間可以證明一切。」

文：影視組