香香見紅惡鬥夾胸子珊

「第55屆亞太影展」昨晚假澳門舉行，紅地氈上恍如預演明晚無綫台慶頒獎禮般，小生花旦如徐子珊、岑麗香、馬國明、黃宗澤及楊崢等均悉心打扮赴會，惟一眾靚女惜肉如金，僅得朱璇谷胸晒事業線。唸服裝設計出身的岑麗香身穿自己一手一腳縫製的紅色晚裝出現，以「刀仔鋸大樹」惡鬥以名牌裝身的姐妹們，香香還自爆到深水埗買布料：「用咗250蚊，但未計部縫紉機喎。（遲啲幫其他花旦做衫？）我都有呢個打算，返咗嚟香港後我都車過兩、三條（晚裝）o架。」徐子珊行紅地氈時不時夾胸而行，她說：「條裙太重，我呢排又因為頒獎禮緊張到瘦咗，惟有夾實行，驚條裙走位呀！」