小肥明年攻紅館
靚聲歌手小肥憑《寵物》一曲唱到街知巷聞，然而往後幾年無甚代表作，今年終憑藉《一首歌》囊括各台排行榜冠軍，前晚更舉行「小肥《一首歌》祝捷會」慶祝，老闆黃柏高更在台上承諾讓小肥在明年殺入紅館，可謂吐氣揚眉！
實力派歌手小肥今年初加盟太陽娛樂文化重投黃柏高（Paco）懷抱，即憑度身訂造的首支派台作品《一首歌》奪得各排行榜No.1，前晚更大搞「小肥《一首歌》祝捷會」，圈中好友鄧麗欣（Stephy）、陳柏宇（Jason）等亦有撐場，而老闆Paco更有現身，有指他一增肥就帶來好運，他說：「又真係，最唔好運就係最瘦嗰排，前幾年太大壓力，搞到瘦咗，工作都受到困擾。」
十月開騷
而由早年的《寵物》到今天的《一首歌》，小肥形容有「返番嚟」嘅感覺，他更大爆今年幾次入紙紅館被拒，Paco已為他成功爭取檔期，明年十月開騷機會較大。而Paco在現場亦保證會在明年帶小肥到紅館開騷，又謂近年與小肥度過低潮，小肥亦對Paco的支持表示感激。
而撐場的Stephy透露希望再次出碟，但仍未簽唱片公司：「之前都差啲簽到，但因為諗法唔同所以最後冇簽，以前淨係唱情歌，依家想大膽啲試唔同嘅嘢，例如Jazz，都好少人做。」問到會否想自資出碟？她說：「咁會做到自己嘅嘢，自由度高，都會幾好玩。」
文、攝：音樂組