楊怡信心爆棚：唔覺輸蝕

徐子珊與楊怡兩位大熱視后，昨與同是候選視后的陳茵媺及候選視帝馬國明到將軍澳某商場拉票，徐楊兩幫粉絲於台下吶喊，氣勢甚強。子珊透露已成功向無綫行政主席梁乃鵬和無綫高層樂易玲拉票：「佢哋肯話投我一票已經好開心。（向陳國強拉票？）無見過佢。見到所有人都會拉，無放過。」對於被《好報》拍到到廟宇稟神，她承認：「自己係八婆仔，祈個福想順利。」

楊怡得悉子珊已向梁乃鵬和樂易玲拉票後即說：「都係兩票啫，唔會好輸蝕。」問到緋聞男友羅仲謙指若拿最佳男配角會在台上講「心底話」，楊怡竟大潑冷水說：「我諗佢都『掹』水，我都投咗古明華。」對於劉定成表示因羅仲謙已有了楊怡故不再聯絡，楊怡說：「各有各喜好，祝佢生活愉快。」

徐子珊和楊怡不愧是今屆視后大熱，兩幫粉絲氣場強大，為撐自己偶像舉牌又吶喊。	楊怡	鍾嘉欣澄清工作身價每年有升無跌，望外界不要向她壓價。

寸陳茵媺公私不分

陳茵媺在活動上不避嫌順道為男友陳豪拉視帝票，她說：「對唔住馬國明，我撐7號（陳豪）呀，因為有私人原因。」在旁的楊怡則說：「就算羅仲謙有份我都投馬國明，因為我公私分明。」事後她否認寸陳茵媺偏私：「死兜都錯添！我指我無私人原因咋。」

另外，鍾嘉欣昨為劇集《幸福摩天輪》宣傳，能否奪視后只保持平常心。對於她拍廣告時流出穿背心的性感照，她未知事件，不過不介意以性感健康形象接拍廣告。

文：影視組