曾志偉：最好快啲完結

黃浩聲稱旗下餐廳拍得藝人迷幻飯局短片，事件牽連甚廣，徐濠縈等人先後召開兩次記者會澄清，要求黃浩承諾不再重複指控，否則會採取法律行動。至日前黃浩現身警署，有指為指控曾志偉掌摑一事銷案，昨日盛傳有江湖中人四出打探「對方」的「代表人」，望相約見面擺平事件。

望片盡快流出

曾志偉昨日以「第55屆亞太影展」籌委會執行主席身份，在澳門出席拜神儀式，談到盛傳黃浩銷案，志偉笑謂：「咁咪好囉，最好快啲完結咗佢，創作咗咁耐，牽涉咗太多人，最影響係啲小朋友同家庭成員，要了解嘅都了解晒，要明白是非都明白晒，應該告一段落。（傳段片會流出？）唔知咩片啦，實有片流出嚟嘅，差在係咩片啫！（贊成條片公開？）如果係真嘅就冇所謂，盡快添，唔好喺度拖拖拉拉，如果冇嘅就無謂再有呢啲傳聞，同埋我覺得係周刊猜測有片，係就當事人講，可能當事人都冇講過。」

志偉監製的賀歲片女主角葉玉卿因母親離世及負面新聞影響心情，志偉讚卿卿是位難得的演員，開工期間完全沒有影響心情，好專業：「本嚟我諗住乘機游說佢復出，連古仔都度好，依家相信機會好渺茫。佢仔大女大，又息影咗咁耐，等於選美都唔應該翻舊帳翻咁耐啦。」

而何超儀就黃浩封口令及傳有江湖猛人出手擺平事件不予回應。另外，黃浩昨午三時於大埔寓所外出，於保鏢陪同下到尖沙咀美麗華酒店，期間對於是否曾往署銷案的提問，他沒有回應，之後六時多便返回大埔寓所。