談到城電劇集「重口味」，葉家寶說：「我好懷疑佢哋啲劇係咪啱家庭、大眾化去睇。節目最緊要有創意，但係佢哋啲劇，都似我哋拍過嘅《十大奇案》、《我和殭屍有個約會》。（城電抄你哋？）電視行業裏面，只不過係抄嗰方面創新，再做功夫，始終萬變不離其宗。」他又否認亞姐大中華總決賽在星期日晚播出，為撼無綫劇《大太監》大結局，亦不擔心亞姐出現零收視，因根據香港大學的民意調查顯示，亞視無零收視，還有數十萬基礎觀眾。此外，無綫高層鄭偉強出席另一活動時，問到有指王維基撬走很多年輕演員？他說：「冇得撬，希望過檔嘅年輕人諗清楚。（下年3月發牌？）傳啫，公司40幾年根基好厚，發牌唔會影響廣告費收入。」