山聰復出拍劇李添勝：佢上周返公司
去年曾以「家有要事」辭演由李添勝監製電視劇《回到三國》的陳山聰，實情是專心拍拖不欲演閒角，最後推無可推，亦畀面添哥客串其監製的《天梯》。
惟今次山聰戀情告急再叩無綫門，問添哥可有接到通知？他承認上周在無綫見過山聰，添哥說：「上星期先見佢返嚟公司傾嘢，我問佢仲撈唔撈，佢話遲吓睇吓點。」至於好友郭政鴻則封口不提山聰情變一事，只叫記者問回當事人。但提到有關女兒生日與「契媽」何超雲慶祝，郭政鴻即笑言：「山聰都有嚟，佢哋冇異樣。（出番嚟拍劇？）佢向來同無綫有約，冇話過退出。」