夏韶聲打定輸數迎接末日
歌手夏韶聲（Danny）醉心研究UFO，日前他上ontv《娛樂on Show》向主持人解構末日之謎，他驚爆外星人把人類作為食糧外，更坦言已準備好與家人迎接死亡，認真信不信由你！
夏韶聲（Danny）不單是「香港搖滾之父」，更可被稱為「UFO之父」！自稱曾三次撞見UFO的Danny向《娛樂on Show》主持人俞詠文（Angela）坦言，曾經遇見UFO時差點嚇至失禁：「我見過UFO三次，有兩次係喺美國，第三次係今年五月喺香港西貢見到，當時我飲緊茶，個天行雷閃電，閃電之後我就見到架棗紅色嘅UFO。但最深刻印象係第二次，當時我見到架外形好似回力鏢嘅飛碟，真係好巨型，嚇到我差啲失禁瀨濕條褲！」Danny更表示相信有外星人把人類當作食糧：「其實人類係含有豐富嘅蛋白質，我相信有一啲壞嘅外星人將人當做糧食。」
安排大女由美回港
Angela問到為何人類只看到UFO，而看不到外星人？Danny坦言有外星人已混入人類當中：「其實應該有為數約五百萬嘅外星人，已經融入咗人類嘅生活，只係我哋分辨唔到！」對於有傳本月廿一日就是世界末日，他向Angela坦言已準備好糧食同水，更有心理準備迎接死亡：「我大女十二月中就同佢屋企人由美國返嚟香港，如果真係世界末日，我哋都可以一家人死埋一齊。但如果唔係世界末日，我哋之前準備咗嘅糧食同水都可以食同用得番。」想知道更多Danny對UFO的見解？想知道他如何迎接「末日」的到來？仲等？立刻入ontv去片啦！
文：專案組