冼色麗越南開餐驚聞魚露有屍油
女星冼色麗（Bonnie）早前到越南河內參加「第二屆河內電影節」，為英皇電影《DIVA華麗之後》造勢。電影節當日，身穿白色低胸晚裝的Bonnie亮相行紅地氈，吸引數百名傳媒拍照。她坦言今次既能欣賞其他國家的電影作品，又可與其他國家演員交流心得，非常高興。
之後，冼色麗與工作人員即到河內夜市品嘗美食，當大家食得津津有味時，同行的翻譯人員竟大爆魚露中含有屍油！Bonnie說：「我哋叫咗碟春卷，侍應就畀埋碟魚露我哋。翻譯竟話碟魚露係用昆蟲既屍體提煉出嚟，嚇死我！（魚露咩味？）甜甜地咁，同平時食嘅魚露好唔同。」
