連詩雅唔怕變盛女
連詩雅在音樂和電影雙線發展忙得不可開交，感情方面，她自言雖然不懂採取主動，但不擔心因而變盛女，因現階段感覺愛情比不上工作所帶來的滿足感。
歌手連詩雅近年積極向電影圈發展，早前亦參與了微電影《王家慧》擔當女主角，戲中她飾演一名失明沙畫師，她坦言拍攝此片需要接受很多挑戰。首次在電影中演失明人士，拍攝前需到盲人中心了解，她說：「我要了解失明人士日常生活所遇到嘅問題，學咗手勢、數錢等技巧。」她亦要學習陌生的沙畫技巧：「沙畫好講手藝，我已經係門外漢，戲中仲要扮失明去畫，可以話係難上加難。」
戲中連詩雅是個自我封閉、等待愛情來臨的女孩，現實中她亦自言較為封閉，對愛情不夠主動，她表示：「可能太過專注工作，擔心愛情來到的時候會分心，但如果我再ready投入拍拖嘅時候，我唔可以話會主動追人，但會懂得接納人哋多啲。我唔想畀人感覺我Block晒全世界，因為我覺得我依家Block Block哋！」
無膽網絡識男仔
連詩雅更直言現階段不渴望愛情：「我唔擔心變盛女喎，現階段我覺得冇愛情都冇問題，因為工作帶來的成就感來得更重要。」她表示身邊有朋友會在社交網站結識異性，務求找到另一半，但她斷言沒有這個膽量：「藝人始終唔方便，你用真正身份去認識朋友，可能只係搵到想知你更多嘅粉絲而已。」
文：影視組
服裝：Piscini
化妝：Kris Wong
髮型：Ritz@Hair Corner
場地：Hair Corner