熊黛林新車唔認係嫁妝

名模熊黛林（Lynn）昨日以露背裝出席活動，提到近日有傳其緋聞男友郭富城送了新車給她，她聞得「新車」二字即興奮地說：「架車都靚，爸爸坐得好舒服。（城城揸車？）我鍾意自己揸。（架車係嫁妝首期？）作古仔唔好咁求其，首期係呢架，咁尾期咪法拉利？講好多次，我唔知幾時結婚，唔知另一半係邊個，唔好講到我好恨嫁咁。」再問新車是否城城所送？Lynn就拒絕回答：「次次換車搬屋都要交代，由依家開始唔答。」另外，Lynn為品牌新產品拍廣告，她亦開始四處搜羅聖誕禮物給身邊好友。