楊怡胸襲 陳敏之呻吟

藝人楊怡、謝天華、森美、陳敏之、苟芸慧、鄧梓峰等昨日出席新劇《法網狙擊》的宣傳活動，一眾演員在台上玩遊戲時，言行舉止非常意淫！

洗衫板互相維護

楊怡在大庭廣眾之下作狀摸敏之胸部，陳敏之即時興奮呻吟，更露出「高潮樣」，旁邊的森美見狀又扮嘢摸埋一份，更笑陳敏之是「洗衫板」，楊怡就為敏之出頭，她笑言：「唔係！我摸到有凹凸紋！」天華聞言即揶揄楊怡：「一塊洗衫板，為另一塊洗衫板辯護。」

森美「順便」拍埋一份，陳敏之繼續興奮。	苟姑娘與謝天華重演車震，表情搭夠。	天華冇投票給楊怡，慘遭懲罰。

鄧梓峰語出驚人

早前因拍《法》劇而被誤傳車震的天華和苟姑娘，更不避嫌主動「案件重演」，天華更拉早前被指和吳綺莉車震的鄧梓峰落水，鄧梓峰更語出驚人，還擊說：「佢哋震到出晒嘢！」之後森美和天華又咪嘴扮自彈自唱劇集主題曲，場面搞笑！

有報道指楊怡搵神婆擇吉日嫁羅仲謙，對此楊怡表示：「唔好聽呢啲無稽之談，第一，冇可能，第二，我同羅仲謙都唔係八卦嘅人，唔信呢啲迷信嘅事。」作為視后大熱的楊怡，表示自己尚未投票，但會投給自己，問到無綫沒有公布投票走勢時，她解釋：「截止時間前都冇人知嘅！」另外，天華就表示公投視后投給徐子珊，但會叫太太投給拍檔楊怡，而陳煒就投了楊怡和黎耀祥。

文：影視組