湯怡學煮幾味博加分
中國人有句說話：「冬大過年。」洪杰和湯怡計劃冬至當日只陪家人，齊做孝順仔女，而煮得一手好餸的湯怡謂未有理想對象，但坦言識煮飯容易嫁得出。
從美國返港的英皇歌手洪杰，原來自小受父母影響，很重視中國傳統文化，知道冬至這個日子很重要，他說因父親留在美國，故今年冬至只能夠與媽咪度過，一向嘴刁的他，表示在美國的中菜館難食到正宗的中國菜，在香港要四出尋覓好菜館。早前他剛獲知英皇駿景酒店內的四川及粵菜駿景軒連續第三年成為米芝蓮一星食府，故約同公司的湯怡前往試菜，洪杰說：「冬至正日一定同媽咪食飯，唔會約朋友，除非有工作，就會提早同媽咪食先，我同爹哋媽咪感情好好，爹哋喺美國，大時大節例如爹哋生日、農曆新年同聖誕節，都會寄卡和寫信畀爹哋，連郵局嘅人都熟晒我。」
提早慶祝冬至
而自言食得辣的湯怡，試了「水煮龍躉魚」及「川味口水雞」，即豎起拇指大讚好味，麻而不辣，透露一定會相約家人來品嘗。煮得一手好菜的湯怡，表示今晚媽咪將會親自做盆菜預先慶祝冬至，她說：「屋企人多，好難遷就時間，所以集齊人就做咗節先，冬至當日會再食多餐，到時媽咪落廚，我當然唔會獻醜。（你煮嘢都好叻？）都係喺媽咪度學咗幾味，同媽咪冇得比。（識煮嘢容易嫁得出？）搵到個好先算，但相信識煮嘢食一定會加分。」
文：名人組