王梓軒送歌慶生 冧爆石祐珊
歌手王梓軒（Jonathan）昨日與經理人兼緋聞女友、薛家燕女兒石祐珊，以及歌手龍小菌、梁佑嘉及Kellyjackie出席校園活動，由於昨日是石祐珊生日，體貼的Jonathan率領數百中學生齊唱生日歌賀對方，氹得台下的石祐珊不斷冧笑。
事後Jonathan與石祐珊一同受訪，記者要求男方送女方生日之吻，Jonathan即耍手擰頭，搞到女方極度尷尬，Jonathan說：「尋日（即前日）返咗廣州做嘢，凌晨12點大家都喺車度，真係唔好意思，禮物已經送咗。」他重申沒有與對方拍拖，還踢爆石祐珊多人追，問到是否與其他追求者「拗手瓜」？Jonathan竟不懂回應。