周柏豪呻爆 2012不完美
即將在一月開演唱會的周柏豪，被譽為新一代少女殺手，日前他接受《娛樂on Show》的邀請，與主持人俞詠文（Angela）自爆希望2012年快點完結，又大談演唱會的籌備工作。
雖然周柏豪今年連開兩次演唱會，但他卻向主持人Angela透露希望快點完結2012年，皆因今年對他來說是不完整的一年，他直言：「其實今年我發生咗好多事，好似我婆婆因為病咗所以入醫院，之後繼而離開咗，自己又有朋友癌症復發，社會又發生咗好多唔好嘅事，對我嚟講，我好希望今年快啲完。我身邊嘅朋友成日都覺得我好似做咩都咁順利，其實28年嚟我都經歷咗好多唔開心嘅嘢，所以我對『Imperfect』好有體會。」
病到七彩練體能
之後Angela問到柏豪的演唱會籌備工作，他表示首要任務是要養好身子，他說：「我由今年一月拍跳水MV時凍傷咗之後，就一直病到七彩，仲無喇喇變到有哮喘，係到十一月身體先開始好番啲。依家我會做多啲gym，希望可以令我嘅體態好啲，預備到時喺台上可以應付得好啲。」若果想知道更多周柏豪的訪問片段，一定要上《娛樂on Show》收看啦！
文：專案組