徐子珊買定珠寶 等攞視后
徐子珊昨日佩戴過千萬元鑽飾出席活動，自言希望頒獎禮後，買珠寶送給自己作「事後」禮物，似乎對視后的寶座十拿九穩。子珊的競爭對手楊怡剛於馬國Astro頒獎禮中先勝一仗，不過子珊在外國網站的「2012 Sexiest Woman Alive in China Award」中，贏了排第二位的楊怡，兩人暫時打成平手！
徐子珊昨日以白色deep V造型，出席周大福「色彩人生 天然彩寶巡展」活動，並佩戴逾千萬元的鑽飾擔任壓軸模特兒嘉賓，華麗高貴。場外有粉絲到場舉牌支持，身戴名鑽的子珊雖然不能出外與他們合照，但亦非常識趣地讓粉絲任影。
七做女警望掛靴
子珊表示在眾多天然彩寶中最喜愛碧璽，又說：「想買珠寶，等遲啲頒獎禮後，物色份送畀自己做聖誕禮物。（視后禮物？）總之如果有獎。」她透露新劇再與謝天華合作：「又係做警察，第七次演喇，希望可以掛靴！今次同張兆輝、周海媚合作，好期待。」談到早前城電節目巡禮撼無綫，記者指她在前線打仗，她笑說：「吓！我係前線o架咩？（你係主將？）唔好咁講，呢啲交畀公司處理，我做番演員嘅本分。」
搵林峯幫手拉票
有外國網站讀者投選她為「2012 Sexiest Woman Alive in China Award」，而楊怡則是第二名，她表示：「好開心外國都有認受性，有雜誌都搵我做性感代表嘅專訪，不過我唔覺得『性感』同自己掛鈎。（贏番楊怡一仗？）唔識講。」記者指楊怡找羅仲謙拉票，問她找誰拉票？她說：「我搵林峯幫我，或者幫佢填埋，叫佢就咁簽個名就得！同埋佢咁多粉絲，叫佢哋幫吓我，哈哈！」
文：名人組