徐子珊拜師 挑戰日本菜
曾於外國留學的徐子珊，一早養成獨立個性，一日三餐基本煮食絕對難不倒她，不過她深明取悅另一半的首要條件，便是煮得一手好菜，故日前專程跟師傅學習煮日本菜，透露父親對日本菜甚有研究，家中亦有一套昂貴的專用魚生刀，惟一直未獲傳授半點煮食竅門。
別看徐子珊平日一臉冷酷，實情骨子裏的她很女性，雖然平日工作忙得不可開交，但子珊偶然也會偷閒下廚。曾於美國求學的她對西餐情有獨鍾，貪其方便又快捷，意粉、沙律等更是其撚手菜式，子珊向來追求完美體態，獲悉西餐醬汁最為肥胖，故早前開始研究自製醬汁，認真投入。
壽司切扁晒
不過獨沽一味只懂煮西餐的她，早前終的起心肝，跟師傅整日本菜，師傅細心地從壽司基本入門教導，其實子珊曾在劇集演過壽司師傅，所以經指點下便很快上手，後來子珊還跟師傅以醬汁畫伴碟花，事後即大呼好玩，她謂：「套劇係選完港姐冇耐之後拍，所以都唔係好記得啲手勢係點，已經有啲生疏，頭先切壽司，都唔知點入手，搞到啲壽司扁晒，望落去以為好簡單，原來切嗰時都講技巧，又上咗寶貴一課喇。」
父親有研究
子珊透露父親喜愛吃日本菜，幾乎每逢過時過節，日本菜均是家人首選，更謂：「爸爸成日出海釣魚，所以自己有套幾貴吓嘅魚生刀，釣完魚自己返去整魚生。（有冇叫爸爸教你？）又冇喎！我諗我冇心機學，同埋啲刀又貴又利，佢點會畀我掂，諗兩諗都係整西餐簡單啲，哈哈！」
文：影視組
場地：Taku＠Soho