文凱玲姊妹檔網上開舖
曾拍攝電影《喜愛夜蒲2》的女星文凱玲（Connie）入行前是空姐，經常周遊列國shopping，有感香港時裝款式選擇不多，最近她與剛從澳洲回港的妹妹踩入時裝界，合資五位數開設網上商店Sisters Collection，主力售賣韓風女裝及飾物，早前兩人親自到韓國三日兩夜入貨，全程做多過玩非常疲累：「我哋不停周圍睇衫，玩同食嘢時間都冇，有批發店凌晨先開，我哋冇瞓覺行到天光！」
她表示網站尚未開鑼，已有不少好友查詢，為她打下強心針：「雖然呢排好忙，咩都一腳踢，但好多朋友都想買啲特別嘅款式同Cutting，所以我哋好有信心。」