方皓玟心口掛勇 「溝掂」秋生
獨立音樂人方皓玟早前膽粗粗落片場找黃秋生做MV男主角，因而一拍即合成為好友，她笑說：「我同秋生當時係完全唔識o架，我靠心口掛住個勇字，就直接落去片場搵佢，邀請佢做我MV嘅男主角。秋生係我好珍惜嘅朋友，同值得尊重嘅前輩，我有咩唔識都會請教佢，佢都幫咗我好多忙。」
由大公司轉做獨立音樂人的方皓玟，入行十年，坦言進步慢，加上不肯認輸的性格，促成她的獨立音樂路，她說：「無論作曲、填詞定寫劇本，都唔會考慮商業因素，但我會堅持繼續做音樂。同埋我個人講嘢好直，雖然得罪好多人，但亦因為咁而同好多人成為真心好朋友！」