李悅彤收友情價冒險做主角
王晶女兒王子涵（Ada）轉戰幕後擔任微電影《傷戀時間》策劃人，而女主角由四葉草出身的新進女歌手李悅彤（Liddy）擔任，二人更分享微電影中的苦與樂，更大爆人工只收「友情價」！
近年微電影突然冒起，勝在時間短又在網絡上容易睇到，故深受年輕人歡迎。導演李卓斌睇準時機，開拍微電影《傷戀時間》，講述都市男女因忙於工作而忽略另一半。導演表示找來王子涵擔任策劃人，女主角方面則由李悅彤擔任，更找來金牌監製錢國偉客串一角，可謂碌爆人情卡！
資金有限
王子涵和李悅彤更大爆因與導演老友鬼鬼，故今次酬勞只屬「友情價」，她們說：「因為微電影資金有限，所以導演搵我哋嗰陣，我哋都無托手（月爭），臨尾都係收封利是仔咋！」今次Ada雖參與幕後工作居多，不過仍有客串演出：「套戲拍咗4日，我唔係日日都可以跟到，但睇到Liddy佢哋facebook開工啲相嗰陣，都好想join佢哋。」
搵場地難
不過因資金有限，故在拍電影時花最多時間是找場地，Liddy更分享拍戲時的驚險事：「因為我哋無book到場地，要去到先知拍唔拍到，其實都係幾危險，好彩最後都拍得成！」導演謂：「今次真係拖咗好多朋友落水，無咗佢哋真係拍唔成套戲！」
場地：香香燒 Pop Bar & Grill
化妝及髮型：Hazel、Kelly & Iris @ Pop Academy
服裝：Vivaladiva
Stylist：王子涵 Ada Wong
文：專案組