MVG靠唱功拒做「o靚模」

組合MVG每位成員都擁有模特兒身高，理應是令人羨慕不已，不過她們坦言被外間誤以為是「o靚模」，內心並不好過，Ivy說：「o靚模係要後生先可以做o架嘛，我哋都咁老啦！仲有我哋係歌手，唔係玩玩吓，我哋係仲想創立一個品牌帶領潮流嘅尖端。」MVG表示因「身高」而備受歧視，令她們大呼「怕怕」，Sherry說：「有時我哋出活動嗰陣着起背心短褲高跟鞋，大家就會覺得我哋行性感。仲有，因為我哋生得高，做嘢嗰陣其他人又會話我哋阻住晒，對住我哋講啲難聽嘅說話。」