林熹瞳戴孝驚爆靈探
藝人林熹瞳（Rachel）在新片《怪談電影－撩鬼》中，有一幕講述靈媒請她已過身的哥哥到陽間「見面」，Rachel說：「其實我一直放唔低阿哥過身嘅事實，佢24歲患腦癌，昏迷三年後走咗，當時我讀緊演藝學院，返學由朝到晚，我唔放心阿哥一個人喺醫院，所以叫媽咪唔好打工，全職照顧阿哥，呢次拍攝令我諗番細個同阿哥嘅好多回憶，好touching！我覺得問米唔係為先人而做，好多時反而係令在生嘅人釋懷。」
Rachel又指拍攝難度愈來愈高，自言擔心再拍下去會死人，她說：「今次有場戲我哋到咗一個冇人嘅荒廢村落，攝製隊突然要我披麻戴孝，後尾去到一間『吉』屋，攝製隊要我替一個死於兇殺案嘅家庭，勸亡魂離開，過程嚇到我傻。」