阿Sa伊健 齋做冇得歎
蔡卓妍（阿Sa）與鄭伊健主演新片早前到昆士蘭取景，在風光明媚的沙灘上，阿Sa穿上背心短褲跟伊健大演對手戲，但劇組日日要趕戲，兩人齋拍冇時間潛水，大呼可惜！
阿Sa與伊健於寰宇新片《我老公唔生性》中，飾演一對結婚多年的夫妻，該片遠赴澳洲昆士蘭取景，並得到當地旅遊局協助。兩人十分欣賞當地的風景，阿Sa表示：「我舊年都嚟過呢個地方拍寫真，呢度真係好靚，好適合電影嘅ending戲，所以，我就介紹大家再嚟呢度！」
與世隔絕
重遊舊地，阿Sa直言感覺很輕鬆，她笑言：「我晏晝4時已經會好想瞓覺，聽住海浪聲會好Relax，喺呢度完全收唔到電話，感覺好寧靜，十足十世外桃源一樣，乜都唔使理，冇任何煩惱！」
電影ending中，阿Sa其中一個造型是穿上背心短褲一身潛水look上陣，但可惜因趕戲，加上當地是風季的關係，她跟伊健都未能在堡礁中潛水，齊齊大呼「好可惜」！
文：影視組