麥貝夷想摑鍾一憲

歌手鍾一憲與同門的麥貝夷繼續以情侶檔出碟，奉旨談情說愛。鍾一憲說︰「今次同上次唔同，唔係講甜蜜愛情，會係又愛又恨，有少少鬧交情況，但未至於憎對方。」不過二人笑言跟對方對到悶，想搵新刺激。麥貝夷稱︰「希望下次大家演繹更加激，我唔介意做港女同佢互罵，打巴佢我都OKo架。」

雖然二人經常做「情侶」，但工作上最多只是拖下手仔，從來未咀過。鍾一憲說︰「諗諗下我哋真係未咀過，如果做嘢要錫我冇所謂，哈哈，都幾期待。」問會否咀完即過電？麥貝夷稱︰「唔會啩，咁樣好大鑊，同佢太熟應該唔會嘅。」