張敬軒否認同環球不和
即將約滿環球的張敬軒，據知已決定離巢，有指軒仔對合作十年的環球感到心淡，感不獲公司重視，軒仔昨日在電話中承認跟環球只剩一張碟約，他說：「我想專心搞埋隻碟，（有其他唱片公司打你主意？）係有其他公司接觸過，但我唔想諗住，十二月廿一日世界末日，玩埋先。」
但軒仔否認與環球不和，他說：「我覺得有少少誤會，真係冇唔開心，唱片公司都仁至義盡，我做舞台劇都搞咗半年，年底冇獎就梗，因為都冇上電台做宣傳，公司都體諒我，同我公司一直有商有量，黃劍濤好錫我，至於資源嘅嘢，國際性公司個餅得咁大，個個都係咁高咁大，冇咩話爭。」軒仔更維護環球，承認因這幾年忙於搞廣州錄音室，躭誤了幕前工作。