杜汶澤試放笑彈
忙於明年2月處男talk騷「杜汶澤咔啦騷」的杜汶澤，昨日出席他和鄒凱光合作主持的電台新節目記者會，獲好友薛凱琪和杜如風撐場支持，薛凱琪還即場以長髮披面扮女鬼貞子，其他人則交足戲扮驚，場面搞笑。風騷的阿澤亦在記招上大放笑彈，令全場人士捧腹大笑。當年盛傳被電台炒魷的阿澤被問到這次回歸是否吐氣揚眉？他說：「唔好咁講，算喺邊度跌低，邊度起身囉！」
提到近日吳綺莉哭訴被電台炒，他即寸爆電台：「吳綺莉都唔係第一個，電台求人返嚟就叻，同人分手就唔叻，我見佢喊都覺佢好慘，不過想同佢講唔使喊，唔好畀電台以為自己大晒！」