Eason畀面煇哥一曲速閃

女星徐濠縈早前因為在個人社交平台上載黃浩的大頭照而爆發隔空罵戰，最近她又被傳與老公Eason「吵大鑊」而出走東京；至於Eason就被傳曾找中間人幫手擺平事件，向黃浩擺「和頭酒」。

秘入紅館後台

雖然外界揣測不斷，但Eason連日來就收起一貫吹神作風，一直未有露面兼未有回應，直至前晚，擔任顧嘉煇一連6場的演唱會尾場特別嘉賓的Eason終「蒲頭」，但卻神神秘秘從紅館後台側門落車，箭步直入後台，明顯避開記者。演出期間，一向好動兼「口水多過茶」的Eason在台上卻顯得木口木面，演繹《摘星》時只望實煇哥獻唱，刻意迴避記者席，與一貫愛與觀眾大玩互動的他大相徑庭。Eason唱畢一曲只說：「好多謝煇哥，好榮幸，我唱一首咋，ByeBye！」便急急閃人。

一眾歌手出席慶功宴，煇哥則負責切蛋糕，氣氛高漲。

謝安琪向煇哥送上紀念品。

Eason的父親陳裘大亦有欣賞演唱會，當記者上前問到其新抱徐濠縈可有到場？陳父即顯得不耐煩說：「我冇嘢講！」說罷即調去遠離記者席的座位。

Wyman力撐老友阿徐無辜。（資料圖片）

是非纏身的Eason前晚在紅館後台神秘落車避記者。

演唱會慶功宴上雖未見Eason身影，但主角煇哥坦言其實希望Eason唱《當年情》多過唱《摘星》。阿徐昨日亦在微博上留言有關Eason《摘星》的演出，她說：「有人再唱畀我聽！」

阿徐缺席活動

隨着阿徐與黃浩的是非愈鬧愈大，阿徐前晚原定出席梁祖堯的《極地情聖》舞台劇，卻以「臨時有事」為由缺席，並指稍後會再去撐場。阿徐好友黃偉文則力撐她，並指事件是無妄之災：「簡直係地下審判，某人實牙實齒誤導全世界人認為阿徐有問題，咁證據喺邊？我喺互聯網都睇到好多人被誤導，定佢哋有罪，好無辜！如果有日有證據證實某人講大話，某人係咪可以還阿徐一個清白？名譽上嘅損失，某人根本賠唔起！」據知，Eason今天將與阿徐結伴到一機構就連日來二人的新聞遞交投訴書。

文：音樂組